«ՌԴ-ն այլևս չի դիտարկում ՀՀԿ-ն և ԲՀԿ-ն որպես իր գործունակ հենարանը ՀՀ-ում». Արման Մելիքյան

Արցախի նախկին արտգործնախարար, քաղաքագետ Արման Մելիքյանը ֆեյսբուքյան իր էջում գրել է. «Ռուսաստանը, կարծես, ապրիլից ի վեր այլևս չի դիտարկում ՀՀԿ-ն և ԲՀԿ-ն որպես իր գործունակ հենարանը Հայաստանում: Հակառակ ՀՀԿ-ականների ապրիլ-մայիսյան այն պնդումների, թե, իբր, իշխանափոխությունը հարվածի տակ կդնի հայ-ռուսական հարաբերությունները, իշխանափոխությանը հաջորդած ժամանակահատվածը ցույց տվեց, որ ռուսական կողմի համար հիշատակված նախկին դաշնակիցները տհաճ բեռ են դարձել ու նոր իրավիճակում հենց նրանց հետ կապերի պահպանումն է իրապես վարկաբեկիչ լինելու Մոսկվայի համար»: