Ռուստամյանի արձագանքը Բոլթոնի հայտարարությանը

ԱԺ ճեպազրույցների ժամին ՀՅԴ խմբակցության ղեկավար Արմեն Ռուստամյանն անդրադառնալով ԱՄՆ նախագահի ազգային անվտագության հարցերով խորհրդական Ջոն Բոլթոնի՝ սպառազինության թեմայով հայտարարությանը, ասել է. «Չափազանց կարևոր, հեռուն գնացող նպատակներ հետապնդող էր նրա այցը տարածաշրջան: Այն, ինչ տեղի է ունենում այս տարածաշրջանում, գերտերությունների շահերի անմիջական դաշտում է, ու նրա ակնարկները կենսական նշանակություն ունեն թե տարածաշրջանի ապագայի, թե ՀՀ արտաքին քաղաքականության համար»: Ռուստամյանը հավելել է նաև, որ միջնորդ երկրները կամ զենք չեն տրամադրում, կամ տրամադրում են այնպես, որ բալանսը չխախտվի:

Հիշեցնենք՝ Թրամփի խորհրդականն ընդգծել էր, որ Հայաստանն ու Ադրբեջանը նախապատվությունը տալիս են ռուսական զենքին: «Մեր սպառազինությունն, ամեն դեպքում, ռուսականից լավն է»,- ասել էր նա: