Ադրբեջանական ԶԼՄ-ները՝ Բակո Սահակյանին ուղղված Նիկոլ Փաշինյանի հորդորի մասին

Ադրբեջանական ԶԼՄ-ներն անմիջապես արձագանքել են Ճամբարակում նախընտրական քարոզարշավի ընթացքում Արցախի Հանրապետության նախագահ Բակո Սահակյանին ուղղված ՀՀ վարչապետի պաշտոնակատար Նիկոլ Փաշինյանի հորդորին:

Ադրբեջանական ԶԼՄ-ները Նիկոլ Փաշինյանի հորդորը որակել են «Արցախին ուղղված մեղադրանք՝ Հայաստանի ներքին գործերին միջամտելու համար»:

«Պարոն Սահակյանին հորդորում եմ՝ կարգի հրավիրի իր կառավարության ներկայացուցիչներին: ԼՂՀ մամուլի խոսնակն օրումեջ իմ ասածի վերաբերյալ մեկնաբանություն ա տալիս, այ քեզ բան: Պատկերացնո՞ւմ եք՝ իմ մամուլի խոսնակը ԼՂ հայտնի ու անհայտ իրադարձությունների վերաբերյալ մեկնաբանություն տա, դրա արդյունքն ի՞նչ կլինի: Սթափվե՛ք ու աշխատե՛ք ձեր աշխատանքով»,- ասել էր ՀՀ վարչապետի պաշտոնակատարը: