«Ոստիկանապետը չէ, որ պետք է ասի...». Վ. Ավետիսյան

Կիրակի, 09 դեկտեմբերի, 2018 թ., 10:35

10/49 ընտրատեղամասում քվեարկելուց հետո «Սասնա ծռեր» կուսակցության ցուցակը գլխավորող Վարուժան Ավետիսյանը պատասխանեց լրագրողների հարցերին: Գնահատելով քարոզարշավի ընթացքը՝ ասաց. «Մեր ուզած հավասարությունը չէր կարող լինել, բայց այս ընտրությունը միջանկյալ փուլ է, որ կտանի մեզ դեպի արդար, հավասար, թափանցիկ ընտրություններ: Հիմա կա ազատություն, բայց շարունակությունը բոլորս միասին կապահովենք»: Դիտարկմանը՝ ոստիկանապետն ասաց, որ աննախադեպ քարոզարշավ է իրականացվել, պատասխանեց. «Ոստիկանապետը չէ, որ պետք է ասի՝ քարոզարշավն ինչպիսին է եղել: Դա իր պարտականությունների մեջ չի մտնում. ոստիկանապետերը պետք է զերծ մնան քաղաքականությունից»: