Կիրակի, 17 փետրվարի, 2019 թ.
|
Ստեփանակերտում`   0 °C

«Աննախադեպ համագործակցություն Իրաքի զինված ուժերի և Իրաքյան Քրդստանի Փեշմերգայի միջև». Կարեն Հովհաննիսյան

«Աննախադեպ համագործակցություն Իրաքի զինված ուժերի և Իրաքյան Քրդստանի Փեշմերգայի միջև». Կարեն Հովհաննիսյան
58
Հինգշաբթի, 07 փետրվարի, 2019 թ., 00:35

Ռազմագետ, քրդագետ Կարեն Հովհաննիսյանը ֆեյսբուքյան իր էջում գրել է. «Աննախադեպ համագործակցություն Իրաքի զինված ուժերի և Իրաքյան Քրդստանի Փեշմերգայի միջև:
Իրաքի վարչապետը հրամանագիր է ստորագրել, ըստ որի Իրաքի բանակը համատեղ ծառայություն կարող է իրականացնել Իրաքի և Քրդստանի միջև վիճահարույց տարածքներում: 2017թ.-ի հոկտեմբերի 16-ից վիճահարույց տարածքներից Փեշմերգայի ուժերի դուրս բերումը Իրաքն համարում է ճակատագրական սխալ, քանի որ քրդերի հետ համատեղ շատ ավելի էֆեկտիվ էր պայքարել ԻՊ-ի դեմ: Իրաքի վարչապետի այս հրամանին դրական պատասխան են տվել Իրաքյան Քրդստանից և հայտնել, որ համաձայն են համատեղ տարածքների պահպանություն իրականացնելու, սակայն ունեն վերապահում: Փեշմերգան չի համագործակցի թուքմենական Հաշդի Շաբիի ուժերի և Իրաքի ոստկանանա ուժերի հետ, որին Իրաքը պատասխանել է համաձայնությամբ: Այսպիսով , վիճահարույց տարածքներ կարող են հանգիստ վերադառնալ բոլոր այն քրդեր, ովքեր 2017թ.-ից լքել էին իրենց բնակավայրերը, քանի որ իրենց անվտանգության երաշխավոր Փեշմերգան պաշտոնապես անցնում է այդ տարածքների պաշտպանությանը»: