Երկուշաբթի, 09 հունիսի, 2025 թ.
|
Ստեփանակերտում`   +18 °C

Կառավարությունը որոշեց ՊԵԿ-ից հետ վերցնել 45 ծառայողական ավտոմեքենա

Կառավարությունը որոշեց ՊԵԿ-ից հետ վերցնել 45 ծառայողական ավտոմեքենա
723
Ուրբաթ, 15 փետրվարի, 2019 թ., 13:20

Ծառայողական ավտոմեքենաների համար կատարվող ծախսերը կրճատելու և Պետական եկամուտների կոմիտեին պետական բյուջեից հատկացվող գումարների ծախսման ուղղություններն օպտիմալացնելու նպատակով Կառավարությունը որոշեց կրճատել ՊԵԿ հաշվեկշռում հաշվառված ավտոմեքենաների թիվը: Որոշման նախագծով նախատեսվում է ավտոմեքենաների քանակը կրճատել 45 միավորով, որից՝

1) 28 միավորը նախատեսվում է հետ վերցնել և ամրացնել Տնտեսական զարգացման և ներդրումների նախարարության պետական գույքի կառավարման կոմիտեին,

2) 5 միավորը նախատեսվում է հետ վերցնել և ամրացնել Հայաստանի Հանրապետության քննչական կոմիտեին,

3) 6 միավորը նախատեսվում է հետ վերցնել և ամրացնել Հայաստանի Հանրապետության բնապահպանության և ընդերքի տեսչական մարմնին

4) 6 միավորը նախատեսվում է նվիրաբերել Արցախի Հանրապետությանը՝ Արցախի Հանրապետության ֆինանսների նախարարությանը հանձնելու պայմանով: