«Քաղաքական, տնտեսական, հանրային դիսկուրսն իջել է «պլինտուսի» մակարդակի». Արմեն Աշոտյան

«Եթե պետք է գնանք այսպիսի տրամաբանությամբ, ես կառաջարկեմ օրինագծի հեղինակներին Լևոն Տեր-Պետրոսյանի հրաժարականի օրը սահմանել որպես Արցախի փրկության օր»,- մարտի 4-ին մամուլի ասուլիսի ժամանակ ասաց ՀՀԿ փոխնախագահ Արմեն Աշոտյանը՝ անդրադառնալով ապրիլի 23-ը Քաղաքացու օր հռչակելու վերաբերյալ տեղեկությանը:

Աշոտյանի խոսքով՝ այս ամենը ցույց է տալիս հասարակական-քաղաքական-պետական մտքի սնանկությունը: «Քաղաքական, տնտեսական, հանրային դիսկուրսն իջել է «плинтус»-ի մակարդակի»,- ասաց նա:

Անդրադառնալով իշխանության վերաբերմունքին Արցախյան հարցի կարգավորման վերաբերյալ՝ Աշոտյանը նկատեց. «Բրյուսելում ՆԱՏՕ-ի գագաթնաժողովի կազմակերպված քննարկմանը վարչապետի տեքստը փոխվել է վերջում՝ որպես արձագանք Ալիևի արած հայտարարություններին»:

Նրա խոսքով Մինսկի խմբի համանախագահների մակարդակով Արցախյան խնդրի թեման չի արծարծվել պաշտոնական հաղորդագրությունների մեջ: