Չորեքշաբթի, 22 մայիսի, 2019 թ.
|
Ստեփանակերտում`   +15 °C

«ԵԱՀԿ ՄԽ համանախագահների հայտարարությունը որոշակի հարցեր է առաջացնում». Նաիրա Զոհրաբյան

«ԵԱՀԿ ՄԽ համանախագահների հայտարարությունը որոշակի հարցեր է առաջացնում». Նաիրա Զոհրաբյան
135
Կիրակի, 10 մարտի, 2019 թ., 12:25

ԱԺ ԲՀԿ խմբակցության պատգամավոր Նաիրա Զոհրաբյանը ֆեյսբուքյան իր էջում գրել է. «Երեկ ԵԱՀԿ Մինսկի խմբի համանախագահների հայտարարությունն արցախյան հիմնախնդրի կագավորման շուրջ, որոշակի հարցեր է առաջացնում: Դրանց ավելի բաց կանդրադառնամ, երբ մեր ԱԳՆ-ն այդ հայտարարության որոշ ձևակերպումների վերաբերյալ պարզաբանումներ տա: Օրինակ, ինչու համանախագահներն իրենց հայտարարության մեջ չեն նշում Վիեննայի և Սանկտ Պետերբուրգի պայմավորվածությունների մասին, որոնց վրա Ադրբեջանը հետևողականորեն թքած ունի:
Ու երբ Ալիևը հայտարարում է՝ «Ուժի գործոնը մշտապես եղել և մնում է մեր օրակարգում», հասկանալի չէ, թե ի՞նչ շրջակա տարածքների վերադարձի մասին են խոսում համանախագահները:
Մեկ բան հստակ է՝ անցյալին վերադարձ չկա՝ մենք շատ թանկ գին ենք վճարել»: