Երեքշաբթի, 23 ապրիլի, 2019 թ.
|
Ստեփանակերտում`   +1 °C

«Քոչոյի և սեռժիկի կողմից խաբված և փողոց դուրս բերված «Սպայկայի» աշխատակիցները պետք է հասկանան․․․». Երջանիկ Աբգարյան

«Քոչոյի և սեռժիկի կողմից խաբված և փողոց դուրս բերված «Սպայկայի» աշխատակիցները պետք է հասկանան․․․». Երջանիկ Աբգարյան
262
Երկուշաբթի, 08 ապրիլի, 2019 թ., 18:05

ԳԽ և ԱԺ նախկին պատգամավոր Երջանիկ Աբգարյանը ֆեյսբուքյան իր էջում գրել է. «Սպայկայի» ղեկավարության հակապետական ներկա գործունեությունը կարող է դառնալ հակահեղափոխական ուժերի ամենալուրջ սպառնալիքը հեղափոխական իշխանության հանդեպ: Քոչոյի և սեռժիկի կողմից խաբված և փողոց դուրս բերված «Սպայկայի» աշխատակիցները պետք է հասկանան, որ իրենց այդ քայլով դեմ են դուրս եկել իրենց ժողովրդի շահերին, որոնք նաև իրենց շահերն են: Պետք է նաև հասկանան, որ իրենց կատարած աշխատանքն անհնարին է կանգնեցնել և ոչ ոք ձեռք չի բարձրացնի այդ ընկերության աշխատանքների վրա, որովհետև դրանք կապված են երկրի կարևորագույն արտաքին տնտեսական հարաբերությունների՝ արտահանման և ներմուծման հետ և առանց դրանց երկիրը չի կարող զարգանալ: ՀՀ իշխանության պայքարն այդ ընկերության գող և ավազակ ղեկավարության դեմ է, որոնք թալանում են պետության հասանելիքը, այսինքն նաև ժողովրդի մաս կազմողներիդ՝ ձեր հասանելիքը: Պարզ ասած, դուք այսօր փողոց եք դուրս եկել ձեր իսկ շահերի դեմ: Վստահ եղեք, ոչ ոքի մտքով չի անցնում ձեր քրտինքով աշխատած հացը կտրել ձեր ընտանիքների բերանից»: