«Մեկ մաքսազերծման տևողությունը սահմանում ենք 20 րոպե». Նիկոլ Փաշինյան

Ինչպես տեղեկացրել էինք՝ ՀՀ վարչապետ Նիկոլ Փաշինյանն այցելել է Նորագավիթի մաքսատուն: Նրան ուղեկցում է ՊԵԿ նախագահ Դավիթ Անանյանը: Նրանք շրջում են մաքսատան տարածքում, ծանոթանում պայմաններին: Տեսնելով տարածքի անբարեկարգ վիճակը՝ վարչապետը դիտողություն արեց. «Ո՞նց կարա մարդը գա ամեն օր մտնի իր աշխատասենյակ ու տեսնի, որ էդ դրոշը կեղտոտ գցած ա անկյունում: Եվ անկախ ամեն ինչից, էստեղ էս վիճակը չլինի՛, ամբողջը պետք է մաքրվի, լրիվ թարմ գծանշումներ լինեն»:

Անդրադառնալով մաքսատանը քաղաքացիների սպասարկմանը՝ ավտոմեքենաների մաքսազերծման գործընթացին, վարչապետը նկատեց. «Ժամանակ պահեցինք, որ ստանդարտ սահմանենք և հայտարարենք, թե այստեղ մեքենայի մաքսազերծման ստանդարտը որն է: Հիմա սահմանում ենք 20 րոպե»: