«ԵԿՄ-ն ավելի շատ երկրաքանդ է, քան՝ երկրապահ». Պավլիկ Մանուկյան

Ազատամարտիկ, Արցախի Հանրապետության «Մարտական խաչ» 2-րդ աստիճանի շքանշանի ասպետ Պավլիկ Մանուկյանը «Կենտրոն» հեռուստաընկերության եթերում անդրադարձել է Երկրապահ կամավորական միությանը, մասնավորապես՝ վերջին շրջանում կառույցում տեղի ունեցող զարգացումներին.
«Երբեք չեմ եղել ԵԿՄ անդամ և ցանկություն չեմ ունեցել լինել, որովհետև ԵԿՄ-ն ի սկզբանե ավելի շատ երկրաքանդ էր, քան՝ երկրապահ: Ես միշտ էլ իրենց ասել եմ, որ պետականաշինության մեջ իրենք անելիք չունեն, ավելի շատ պետականաքանդության մեջ է իրենց ներդրումը, և ոչ մի բան չի փոխվել հիմա էլ: Ես երբեք էլ չեմ պատրաստվում այդ միությանն անդամ լինել»,- ասել է Պավլիկ Մանուկյանը:

Դիտարկամը, թե պատերազմող երկրին անհրաժեշտ են նմանատիպ կառույցները, Մանուկյանը նշել է. «Պաշտպանության նախարարությունում մեր բոլոր տվյալները տրված են. գիտեն, թե՛ յուրաքանչյուրիս հնարավորությունները թե՛ առողջական, թե՛ մտավոր վիճակը և թե՛ անցած ուղին. բոլորը հայտնի են: Դրանով պետք է զբաղվի պաշտպանության նախարարությունը, որ կառույցն ավելի ամուր լինի, որ մենք կարողանանք այս թայֆաբազությունից դուրս գալ»: