Սամվել Բաբայանը դատի է տվել Արցախի ոստիկանությանը

«Ի՞նչ եղավ Արցախի քաղաքացիություն ստանալու հարցը»,- լրագրողների հարցին ի պատասխան՝ Արցախի ՊԲ նախկին հրամանատար Սամվել Բաբայանն ասաց. «Մենք Ղարաբաղի քաղաքացիության խնդիր չունենք. վերջին 10 տարին անընդմեջ ունենք կեցության խնդիր: Մենք առաջին հերթին դատի ենք տվել ոստիկանությանը։ Գործը դատարանում է, մայիսի 23-ին Ստեփանակերտում տեղի կունենա դատ․ տեսնենք՝ ինչ պատասխան են տալու»,- ասաց նա՝ հավելելով, որ իրենք հանդիպումներ են ունենում Արցախի քաղաքացիների հետ և պատրաստվում ենք ստորագրահավաք անցկացնել:

Հարցին, թե այդ հանգամանքը կապո՞ւմ է ընտրությունների հետ, պատասխանեց, որ իր կարծիքով այդ գործողությունները քաղաքական են:

Սամվել Բաբայանի խոսքով՝ Արցախի ժողովրդի 95 տոկոսը չի ընդունում գործող իշխանությանը և երբ ցանկանա, իշխանությունը կհեռանա: