«Հայաստանը խիստ բացասական և ոչ բարեկամական կգնահատի «Պոլոնեզների» վաճառքն Ադրբեջանին»․ Գրիգոր Հովհաննիսյան

Բելառուսն ու Ադրբեջանը մի շարք հանդիպումներից հետո այսօր դրական են գնահատել Բելառուսում արտադրվող տարբեր նշանակության ռազմական արտադրության կիրառումն ադրբեջանական բանակում: Ադրադառնալով այս հարցին՝ ՀՀ արտաքին գործերի նախարարի տեղակալ Գրիգոր Հովհաննիսյանը ասել է, որ եթե հաստատվի տեղեկատվությունը, որ Ադրբեջանի պաշտպանության նախարարության պատվիրակությունը Բելառուսում է գտնվում «Պոլոնեզ» համակարգեր ձեռք բերելու համար, ապա Հայաստանը այն խիստ բացասական և ոչ բարեկամական կգնահատի:

«Խոսքը գնում է ոչ միայն Բելառուսի մասին, այլ նաև այն երկրների, որոնց արտադրանքի հիման վրա կառուցվում է «Պոլոնեզ» համակարգը»,- լրագրողների հետ զրույցում ասել է նա:
Ավելի վաղ հաղորդվում էր, որ Բելառուսից Ադրբեջան է հասել համազարկային կրակի «Պոլոնեզ» ռեակտիվ համակարգերի նոր խմբաքանակը: