«Ժիրայր Սեֆիլյանն ինձ ասել է, որ Աշոտ Ղուլյանն իր տեսած ամենախիզախ մարտիկն է եղել պատերազմում». Վահագն Ավագյան

«Սասնա Ծռեր» կուսակցության մամուլի խոսնակ Վահագն Ավագյանը ֆեյսբուքյան իր էջում գրել է. «Քանի որ այսօր հաղթանակի օրն է, ֆբ ընկերներիս հետ ինձ համար թանկ տեղեկությամբ կիսվեմ։ Ժիրայր Սեֆիլյանին մի անգամ հարցրել եմ Արցախյան կռիվներում իր տեսած ամենախիզախ մարդը ով էր։

Դե գիտեք ինչ կա, ցանկացած անկաշառ տեղեկացված մարդու հարցրեք Ժիրայր Սեֆիլյանի մասին, ձեզ կասեն, որ վախ չունեցող, աննահանջ, բարձր կամային հատկանիշներով ու երևի ամենակարևորը՝ ամենաողջախոհ հրամանատարն է եղել, ինչը նաև փաստվում է իր գումարտակի տոկոսային ամենափոքր կորուստների թվով։

Ուրեմն Ժիրայր Սեֆիլյանն ինձ ասել է, որ Աշոտ Ղուլյանն իր տեսած ամենախիզախ մարտիկն է եղել պատերազմում»։