Հինգշաբթի, 22 օգոստոսի, 2019 թ.
|
Ստեփանակերտում`   +20 °C

«Դա արվում է քոչոյի և սերժիկի 20-ամյա ծանր հանցագործություններից շեղելու նպատակով». Ե. Աբգարյան

«Դա արվում է քոչոյի և սերժիկի 20-ամյա ծանր հանցագործություններից շեղելու նպատակով». Ե. Աբգարյան
172
Ուրբաթ, 10 մայիսի, 2019 թ., 22:15

ԳԽ և ԱԺ նախկին պատգամավոր Երջանիկ Աբգարյանը ֆեյսբուքյան իր էջում գրել է. «Կարելի է ասել, որ ՖԲ-ում և այլուր վերջերս ամենօրյա են դարձել առաջին նախագահ Լևոն Տեր-Պետրոսյանի և նախագահի պաշտոնը զավթած պետական հանցագործներ քոչոյի և մերժիկի համատեղ նկարները: Ակնհատ է, որ այդ երևույթն աստիճանաբար էր ընթանում՝ քոչոյի և մերժիկի հանցագործությունների բացահայտումներին զուգահեռ: Եվ այսօր դա լայն տարածում է ստացել ծախու և կռճոնակեր հետադիմության տեղեկատվական և «վերլուծական» շատ ու շատ հրապարակումներում: Այդ երևույթի հայտնվելը պատահական չէ: Հայաստանում ներկայումս առկա է հակապետական և դավաճանական օտարամոլ ուժերի լայն ցանց ու քոչոյի և մերժիկի ժամանակներում հասունացած երիտասարդության ներկա մի սերունդ, որի ներկայացուցիչների մի ստվար մասը բացարձակապես անտեղյակ է ՀՀ-ի սկզբնական պատմությանը և հիմնականում սնվել է քոչոյի, մերժիկի և ՀՅԴ-ի կեղծ ու պատիր քարոզչության նյութերով: Եվ ի՞նչ: Այսօր դրանք են, որ չունենալով գեթ մի լուրջ հակափաստարկ Տեր-Պետրոսյանի նախագահական գործունեության դեմ, մտավոր ստերջ և ողորմելի քայլի են դիմել իրար կողքի դնելով նրա և պետական երկու հանցագործների նկարները՝ այդպես փորձելով մարդկանց հավատացնել, թե տարբերություն

«չկա» իր գործունեությամբ արգասաբեր առայժմ միակ իրական նախագահի և այդ պաշտոնը զավթած պետական դավաճանների միջև: Դա արվում է իշխանության և ժողովրդի ուշադրությունը քոչոյի և սերժիկի 20-ամյա ծանր հանցագործություններից շեղելու և հեղափոխական իշխանությանը թուլացնելու նպատակով»: