«Քոչարյանն ուղղակի շանտաժ է անում դատական համակարգին». Սարգիս Միքայելյան
 270 Երկուշաբթի, 13 մայիսի, 2019 թ., 02:10 Վերլուծաբան Սարգիս Միքայելյանը ֆեյսբուքյան իր էջում գրել է. «Ի՞նչ է անում մեղադրյալ Քոչարյանը: Նամակում, մասնավորապես, ասում է. «Ես մտադիր չէի քաղաքականություն վերադառնալ, համարում էի, որ շրջել եմ այդ պատմության վերջին էջը և վերջակետ դրել։ Բայց, ինչպես պարզվեց, երբեմն քաղաքականությունն ինքն է վերադառնում քեզ մոտ»: Հետո էլ փորձում է իր համար լավատեսական սցենարի հույսեր հաղորդել և ասում է, որ ինքը չգիտի, թե ինչպես կզարգանան իրադարձությունները, սակայն պատրաստ է պայքարել, և հնարավոր է որ իր գրքում նոր գլուխ հայտնվի: Նրա տեքստի հիմնական միտքն այստեղ, կարծում եմ, այն է, որ դեռ վաղ է խաչ քաշել Քոչարյան-քաղաքական գործչի վրա, և նա դեռ կարող է վերադառնալ: Գիտեք չէ՞, հարգելի դատավորներ, հիշում եք, չէ՞... Իսկ վաղը սկսվում է դատավարությունը: Այնպես որ՝ դատելիս յոթը չափեք, նոր մեկը կտրեք, կարծես թե հուշում է Քոչարյանը»: |
