«Չկարողացանք հասկանալ՝ գլխավոր դատախազը ո՞նց էր հայտնվել արգելված գոտում». Հայկ Ալումյան

Ինչպես հայտնել էինք, Երևանի ընդհանուր իրավասության դատարանի Ավան և Նոր Նորք վարչական շրջանների նստավայրում, Մարտի 1-ի գործով նախնական նիստում, ՀՀ գլխավոր դատախազ Արթուր Դավթյանը դահլիճ մտավ դատավորի ծառայողական մուտքից։ Լրագրողները Ռ. Քոչարյանի պաշտպան Հայկ Ալումյանից հետաքրքրվեցին՝ դա խախտում համարո՞ւմ է. «Չկարողացանք հասկանալ՝ ինքը ո՞նց ա էդտեղ հայտնվել: Դա արգելված գոտի է դատարանում: Պետք է հասկանանք, որ հետևություն անենք. նա պետք է բացատրի պատճառը, որ արձագանքենք»,- ասաց փաստաբանը:

«Այս պահի դրությամբ մեղադրող կողմը ներկայացրել է վկաների 800 հոգուց բաղկացած ցուցակ, մենք այս պահի դրությամբ ներկայացրել ենք 10 հոգանոց ցուցակ»,- շարունակեց Հայկ Ալումյանը՝ ներկայացնելով կազմին. «Մեր ցուցակում կան ՍԴ դատավորներ, Սամվել Մայրապետյանը, Միքայել Հարությունյանը: Ընդհանուր պարզ է, որ այդ 800 վկան կարող են հարցաքննվել մի 4 տարում»: