«Պետք է այսօրվանից լուրջ աշխատել Մարի Լե Պենի ու նրա ղեկավարած ուժի հետ». Էդգար Առաքելյան

Քաղաքագետ Էդգար Առաքելյանը ֆեյսբուքյան իր էջում գրել է. «Եվ ուրեմն՝ պետք է այսօրվանից լուրջ աշխատել Մարի Լե Պենի ու նրա ղեկավարած ուժի հետ. Եվրախորհրդարանի ընտրություններում Մարի Լե Պենի ղեկավարած «Ազգային ճակատ» կուսակցությունը, փոքր տոկոսային հարաբերակցությամբ, հաղթանակ է տարել նախագահ Մակրոնի կուսակցության նկատմամբ։ Սա նշանակում է, որ ամրապնդվում է այն կանխատեսումների հավանականությունը, որ Ֆրանսիայի հաջորդ նախագահը հենց Մարի Լե Պենն է լինելու։ Այս հանգամանքը մեզ համար չափազանց հետաքրքիր է նրանով, որ վերջերս Լե Պենը շատ կարևոր հայտարարություն արեց Արցախի հարցում ՝ նշելով, որ «... արցախյան հիմնախնդրի կարգավորման ամենանախընտրելի տարբերակն Արցախը Հայաստանի հետ վերամիավորելը կլիներ»։ Սա նշանակում է, որ այսօրվանից պետք է աշխատանք տանել Մարի Լե Պենի և նրա ղեկավարած քաղաքական ուժի հետ»։