Գևորգ Գորգիսյանը՝ Անդրանիկ Քոչարյանի մասին

«Ապրիլյան պատերազմից մինչև այսօր դեռ կան բաց հարցեր, որոնք հուզում են հասարակությանը և սրանց բաց մնալն ավելացնում է անվստահությունը բանակի ու բանակում գործընթացների նկատմամբ: Ապրիլյան պատերազմի քննիչ հանձնաժողովը, որպես այդպիսին իր նիստը դեռ չի գումարել, միակ վերապահումը, որ ունեինք, հանձնաժողովի նախագահի հարցն էր»,- հայտարարեց ԱԺ «Լուսավոր Հայաստան» խմբակցության պատգամավոր Գևորգ Գորգիսյանը՝ մանրամասնելով. «Անդրանիկ Քոչարյանի՝ համակարգում երկարամյա փորձն ինչ որ փուլում կարող է մեկնաբանվել ոչ անաչառ վերաբերմունք տարբեր անձանց նկատմամբ՝ հաշվի առնելով նրա անցած ուղին, կապերը տարբեր մարդկանց հետ: Առաջարկեցինք, որ նրան փոխարինի իրենց խմբակցությունից որևէ մեկը, բայց առաջարկը չընդունվեց»: