«Ռոբի կալանքից հետո ռուսական կողմն անթաքույց անցել է հին մեթոդներով նոր գաղափարների գեներացման». Ս. Սիմոնյան

«Սասնա ծռեր» խմբավորման համակիր Սյուզաննա Սիմոնյանը ֆեյսբուքի իր էջում գրել է. «Ռոբի կալանքից հետո ռուսական կողմն անթաքույց անցել է հին մեթոդներով նոր գաղափարների գեներացման, թե բա Փաշինյանը Քոչարյանին չեզոքացնում է, որպեսզի թուլացնի ղարաբաղում նրա ազդեցությունը, քանի որ Արցախի հարցում ցանկացած զիջում հղի է արցախցիների հակադրմամբ: Այսինքն, ուզում է ասել, Փաշինյանը հող հանձնող է, Քոչարյանն ու սեռժը՝ հող չհանձնո՞ղ, ու, որ նրանց չեզոքացնելով Փաշինյանն ազա՞տ է դառնում իր որոշումներում:
Ռուսաստանն իր «կազանյան-գազանյան» համաձայնագրերից և Ապրիլյան պատերազմից ու նաև Սասնա Ծռերի ապստամբությունից հետո նույնիսկ չհասկացավ, որ հայկական հողերը պաշտպանում է հայ ժողովուրդը ու հայ զինվորը ու ոչ թե երկրի ղեկավարը: Վկան՝ պայմանավորված պատերազմի միջոցով երկիր հանձնող ռեժիմը և նույնիսկ բահերով երկրի ամեն թիզը իրենց կյանքի գնով պաշտպանող աբաջյանները: Եվ ով ուզում է լինի հանձնողը, նրա համար հետևանքները իրոք լուրջ են լինելու: Հայաստանում չեն կարող լինել հավերժական կուռքեր, հայ ժողովուրդը մշտական կուռքեր երբեք չի ունեցել: Եվ նման բան լինելու դեպքում անողոք է լինելու հանձնողի նկատմամբ, և հայրենատիրական հզոր ալիքը սրբելու է տանի հանձնողին կամ հանձնողներին:
Նշեմ նաև, որ Ռուսաստանը իր «Բաժանիր, որ տիրես» ձեռագիրն այդպես էլ չի փոխում: Նրան պետք է այս պահին չեզոքացնել Փաշինյանի ազդեցությունը, իր ազդեցությունը չկորցնելու համար: Իսկ կա՞ ավելի լավ ձև Փաշինյանի ազդեցությունը ոչնչացնելու, քան Արցախի հարցում զիջումների մասին լուրերի տարածումն է: ՉԿԱ»: