Չորեքշաբթի, 23 հոկտեմբերի, 2019 թ.
|
Ստեփանակերտում`   +7 °C

«Ադրբեջանը շատ ավելի մեծ թափով է սկսել իր հասարակությանը նախապատրաստել պատերազմի». Կարեն Հովհաննիսյան

«Ադրբեջանը շատ ավելի մեծ թափով է սկսել իր հասարակությանը նախապատրաստել պատերազմի». Կարեն Հովհաննիսյան
302
Կիրակի, 14 հուլիսի, 2019 թ., 03:15

Ռազմագետ, քրդագետ Կարեն Հովհաննիսյանը ֆեյսբուքյան իր էջում գրել է. «Ադրբեջանը շարունակում է հայատյաց քաղաքականությունը և սերունդներին դաստիարակում է՝ բացառապես հայերի նկատմամբ թշնամություն սերմանելով: Գերանբոյի շրջանում «Ադրբեջանի երիտասարդական հիմնադրամ»-ը երկրի ռազմական գերատեսչության հետ համատեղ մեկնարկել է «Marş İrəli» («Մարշ, առաջ») ռազմահայրենասիրական ծրագիր, որի շրջանակներում 17-25 տարեկան 200 տղաներ և աղջիկներ ռազմական բանակում են անցնում: Բանակումի շրջանակներում նրանք սովորում են կրակել հրաձգային զենքերից, սովորում են քարտեզագրում, տեղանքի չափագրում, անցնում հոգեբանական և բժշկական օգնության ցուցաբերման դասընթացներ: Նրանց հետ սեմինարներ են անցկացնում «Ղարաբաղի վետերաններ» միության անդամները, զորամասերի հրամանատարական կազմը և շարքայինները: Նրանց հիմնական նպատակը ռազմահայրենասիրական ոգու բարձրացումն է, իսկ թիրախը բացահայտ Հայաստանն ու հայն է:

Դա են վկայում պաշտոնական հաղորդագրությունները, որոնք նրանք տարածում են ամենօրյա ռեժիմով բանակումի հետ կապված: Նրանք հայտնում են, որ «ագրեսոր հայերին դուրս շպրտելու համար որոշակի տեխնիկական դասընթացներ են անցնում, որոնք անցկացնում են ռազմական գործին գիտակ մասնագետներ»: Մի քանի դրվագով օգտագործում են նաև թշնամի տերմինը . «երիտսարդներին ուսուցանվում է թշնամու վերահսկողության տակ գտնվող մեր հայրենիքի անտառների, ձորերի և այլ տեղանքի քարտեզագրումը, չափագրումը և ըստ այդ քարտեզների՝ թույլ ու խոցելի տեղերը գտնելը»...
Ակնհայտ է, որ Ադրբեջանը ռազմական հռետորաբանության քաղաքականությունը ոչ միայն չի պակասեցրել, այլ ավելին՝ շատ ավելի մեծ թափով է սկսել իր հասարակությանը նախապատրաստել պատերազմի»: