Չորեքշաբթի, 21 օգոստոսի, 2019 թ.
|
Ստեփանակերտում`   +26 °C

Որո՞նք են Եվրոպայի ամենաէժան բենզին ունեցող երկրները

Որո՞նք են Եվրոպայի ամենաէժան բենզին ունեցող երկրները
152
Երկուշաբթի, 29 հուլիսի, 2019 թ., 15:20

Եվրոպական երկրների բնակչության համար բենզինի հասանելության վարկանիշի տվյալների համաձայն՝ այս վառելանյութի ամենաշատ քանակը կարող են ձեռք բերել միջին աշխատավարձ ստացող բնակիչներից Լյուքսեմբուրգի քաղաքացիները, իսկ ամենաքիչը՝ ուկրաինացիները: Այս մասին գրում է РИА «Новости» գործակալությունը:
Գործակալության տվյալներով, Լյուքսեմբուրգի բնակիչներն իրենց միջին աշխատավարձով կարող են գնել 2.9 հազար լիտր բենզին: Երկրորդ տեղում է Նորվեգիան, որի բնակիչները կարող են գնել 2.2 հազար լիտր բենզին:
Ցուցակում են հայտնվել Ավստրիան, Իռլանդիան ու Մեծ Բրիտանիան, որտեղ քաղաքացիները կարող են ձեռք բերել ավելի քան 1,9 հազար լիտր վառելիք:
Ռուսաստանը, Իտալիան ու Էստոնիան զբաղեցնում են վարկանշային աղյուսակի 16-րդ տեղը: Նշվում է, որ ռուսաստանցիները կարող են իրենց միջին ամսական աշխատավարձով գնել մոտ 927 լիտր AI-95:
Վարկանիշի վերջին տեղը զբաղեցնում է Ուկրաինան, որի քաղաքացիները կարող են իրենց թույլ տալ 279 լիտր վառելիք գնել:
Բուլղարիայի, Ռումինիայի, Լատվիայի ու Բելառուսի բնակիչները կարող են գնել մինչև 560 լիտր բենզին: