Օգտատերերը նույնացնում են Փաշինյանի ու Սարգսյանի ելույթները

«Մինչև 2040թ. Հայաստանի բնակչությունը 4 միլիոնի հասցնելու համազգային նպատակը դժվարին, բայց իրականանալի խնդիր է»,- այս մասին՝ Հանրապետության ժողովրդագրական խնդիրներին նվիրված խորհրդակցության ժամանակ, 2017-ի հայտարարել էր նախագահ Սերժ Սարգսյանը:

«Սերժ Սարգսյանի նախագահության տարիներին երկրից հեռացել է 350 հազար մարդ։ Հնարավո՞ր է 22 տարում բնակչության թիվն ավելացնել 1.2 միլիոնով, երբ նախորդ 25 տարիներին Հայաստանի բնակչության թիվը պակասել է առնվազն 1.2 միլիոնով, իսկ այսօր արտագաղթը շարունակվում է։ 2016-ին Հայաստանից հեռացել և չի վերադարձել ավելի քան 48 հազար մարդ: Չեմ կարծում, թե 2040-ին 4 միլիոն բնակչություն ունենալու նախագահի տեսլականն իրականանալի է»,- Սարգսյանի ելույթին արձագանքել էր լրագրող, վերլուծաբան Թաթուլ Հակոբյանը։

Այսօր՝ 2019-ի օգոստոսի 5-ին Արցախի Վերածննդի հրապարակում ելույթ ունեցավ ՀՀ վարչապետ Նիկոլ Փաշինյանը՝ ներկայացնելով ռազմավարական նպատակները. «Մինչև 2050 թվականը ՀՀ բնակչությունը հասցնել առնվազն 5 մլն մարդու...»,- ասաց նա:

Ֆեյսբուքյան իրենց էջերում օգտատերերը տարածում են Սարգսյանի ու Փաշինյանի ելույթները: