Երկուշաբթի, 09 դեկտեմբերի, 2019 թ.
|
Ստեփանակերտում`   +3 °C

«Ուզում եք մարդասպանները կամ նման հրաման տվողները դատվե՞ն, թե՞ ոչ. կողմնորոշվեք. Էդմոն Մարուքյան

«Ուզում եք մարդասպանները կամ նման հրաման տվողները դատվե՞ն, թե՞ ոչ. կողմնորոշվեք. Էդմոն Մարուքյան
156
Հինգշաբթի, 08 օգոստոսի, 2019 թ., 21:20

ԱԺ «Լուսավոր Հայաստան» խմբակցության ղեկավար Էդմոն Մարուքյանը սոցկայքի իր էջում գրել է. «BBC-ի նյութի հրապարակման հետ կապված երկու հարցադրում է արվում.

- Նախ, որ այդ նյութերը Քոչարյանի ավարտված գործից են, հետևաբար՝ հրապարակային: Եթե այդ նյութերը Քոչարյանի ավարտված գործից են, ուրեմն մարդկանց վրա կրակելու հրաման տվողը այդ նույն գործի շրջանակներում պետք է արդեն մեղադրյալ լիներ, բայց նման բան չկա գործն էլ ավարտված դատարանում է:

- Երկրորդ հարցադրումն այն մասին է, որ եթե նյութերը տաս անձանց սպանությունների գործից են, ապա ոչինչ, դա էլ է նորմալ, ի՞նչ անենք, թե նախաքննության գաղտնիք է հրապարակվել:

Նախ որքանով, որ ես գիտեմ, մենք իրավական պետություն ենք կառուցում, ոչ թե պետություն, որտեղ շունը տիրոջը չի ճանաչում: Եվ եթե նորմալ է, որ քրեական գործի նյութեր հրապարակվեն, ուրեմն իմացեք, որ ցանկացած մարդասպան կամ մարդ սպանելու հրահանգ տվող անձ կարող է այդ հանգամանքն ի շահ իրեն օգտագործել և ուղղակի չդատվել, պատասխան չտալ իր արարքի համար:

Հիմա կողմնորոշվեք՝ ուզո՞ւմ եք, որ մարդասպանները կամ նման հրաման տվողները դատվեն, ուրեմն պետք է նորմալ նախաքննություն ունենանք։ Իսկ եթե ուզում եք չդատվեն, ուրեմն շարունակեք ասել՝ հա դե ինչ անենք, որ հրապարակվել է, կարևորը հիմա BBC-ից իմացանք մեր ստեղ ընդեղից լսածները»: