Ուկրաինան և Թուրքիան զենքի արտադրության համատեղ ընկերություն են հիմնում
 523 Երկուշաբթի, 12 օգոստոսի, 2019 թ., 15:40 «Ուկրոբորոնպրոմ»-ի կազմում ընդգրկված ուկրաինական պետական «Ուկրսպեցէքսպորտ» և թուրքական Baykar Defense ընկերությունները կստեղծեն համատեղ ձեռնարկություն, որը կմշակի գերճշգրիտ զենք և օդատիեզերական տեխնոլոգիաներ: Այս մասին հաղորդում է Ուկրաինայի ազգային անվտանգության և պաշտպանության խորհրդի կայքը: Նոր ձեռնարկության հիմնական նպատակն է լինելու համատեղել երկու երկրների պաշտպանական համալիրների կարողությունները՝ սեփական բանակներին ժամանակակից զենք մատակարարելու համար: Մասնավորապես, առաջին նախագծերից մեկը կլինի նոր սերնդի անօդաչու թռչող սարքերի մշակումը: Ակնկալվում է, որ անօդաչու սարքը կկարողանա մանրամասն հետախուզություն իրականացնել թռիչքի բարձր կետում, օդում մնալ մի քանի ժամ և զարգացնել զգալի արագություն: Օգոստոսի սկզբին Ուկրաինայի նախագահ Վլադիմիր Զելենսկին հույս էր հայտնել, որ Անկարայի հետ համագործակցությունը կօգնի Կիևին փոխել իրավիճակը Սևծովյան տարածաշրջանում: |
