Կիրակի, 22 սեպտեմբերի, 2019 թ.
|
Ստեփանակերտում`   +12 °C

«Մեզ տրված փաստաթղթերն անհերքելիորեն թերի են եղել». ԷԼԱՐԴ-ի փորձագետներ

«Մեզ տրված փաստաթղթերն անհերքելիորեն թերի են եղել». ԷԼԱՐԴ-ի փորձագետներ
66
Ուրբաթ, 30 օգոստոսի, 2019 թ., 13:25

Վարչապետ Նիկոլ Փաշինյանը երեկ տեսակոնֆերանս է անցկացրել ԷԼԱՐԴ միջազգային խորհրդատվական ընկերության փորձագետների հետ, որի ընթացքում քննարկվել են Ամուլսարի հանքի վերաբերյալ իրականացված միջազգային փորձաքննության եզրակացության և դրա վերլուծության արդյունքները:

Տեսակոնֆերանսի ընթացքում ԷԼԱՐԴ ընկերության փորձագետները նշեցին, որ իրենց տրամադրված փաստաթղթերի մի մասը թերի է եղել և շատ հետազոտություններ պարզապես չեն արել, քանի որ այդ դեպքում հեազոտության արդյունքները վստահելի չէին լինի:

«Մենք, բոլոր տվյալները, հաշվետվությունները նայել ենք, բոլոր այդ տվյալները, որքանով էլ որ դրանք թերի էին, դրա պրոֆեսիոնալ որակական գնահատումն արել ենք՝ հաշվի առնելով ծավալները ջրբաժանի, որը սնում է Սևանա լիճը և զանազան գետերը: Ցանկացած ազդեցություն, եթե անգամ լինի, կլինի նվազագույն: Մեր կարծիքով՝ եթե նաև մեղմացման և հավելյալ մեղմացման միջոցառումները ձեռնարկվեն, ընդհանրապես ոչ մի ազդեցություն չի լինի»,-նշում են ԷԼԱՐԴ-ի փորձագետները:

Անդրադառնալով Որոտան գետի, Սպանդարյան և Կեչուտի ջրամբարների վրա ազդեցությանը՝ փորձագետները նշել են, որ այդ հետազոտությունը չեն կարող անել. «Մանավանդ քանակական գնահատում չենք կարող անել, որովհետև մեզ փոխանցած գնահատումը և տրամադրված տվյալները թերի են: Ուստի մենք համարում ենք, որ վստահելի չէր լինի գնահատում անել տվյալ պահին՝ ելնելով այդ թերի տվյալներից»:

Հարցին, թե արդյոք իրենք հարցականի տակ են դնում բնապահպանական միջազգային ընկերությունների արած հետազոտությունները հանքի շահագործման վերաբերյալ, ԷԼԱՐԴ-ի փորձագետները պատասխանել են. «Իհարկե, անհերքելիորեն թերի են: Նրանց գնահատումը, նրանց ուսումնասիրությունն ու հետաքննությունը, լինի դա սոցիալական, թե՝ բնապահպանական, վստահելի չեն»: