«Սա այն ելակետն է, որը թույլ կտա լուծել «Լիդիանի» հետ կապված թնջուկը». Գարեգին Միսկարյան

Քաղաքացու որոշում» սոցիալ-դեմոկրատական կուսակցության անդամ Գարեգին Միսկարյանը ֆեյսբուքյան իր էջում գրել է. «Նայեցի Կառավարության կազմակերպած ուղիղ միացման տեսագրությունը։ Ողջունելի է այն, որ վարչապետն ականջալուր եղավ հանրության որոշ ներկայացուցիչների կողմից բարձրացված արդարացի առաջարկին և խնդրին օբյեկտիվ մոտեցման պատրաստակամությունը ևս մեկ անգամ ապացուցելով, համաձայնեց կազմակերպել վերոնշյալ երկխոսությունը՝ անձամբ լսելու համար «Էլարդից» այն մասին, թե ինչ է գրված չարչարկվող եզրակացության մեջ, այլ ոչ թե լսել Իվանյանի միջնորդավորված «հիմնավորումները» հանքի շահագործմանը դրական կողմերի մասին։ Բազմաթիվ են այս տեսագրությունից բխող խնդիրներն ու հարցադրումները, բայց հիմա դրան չեմ անդրադառնա, կցանկանամ խոսել մի դրական երևույթի մասին: Այս ամբողջ մանիպուլյացիաների ու անպատասխանատվության թոհուբոհում պետք է արձանագրել, որ, ի ուրախություն մեզ, «Էլարդը» դրսևորեց իրեն որպես բավական բարձր պրոֆեսիոնալներով համալրված կազմակերպություն։ Սա թերևս այն շրջադարձային, կարևոր ելակետն է, որը թույլ կտա մեզ լուծել «Լիդիանի» հետ կապված այս թնջուկն առանց ներքաղաքական, ներպետական շոշափելի ցնցումների, համերաշխության և համախոհության մթնոլորտում»։