Երկուշաբթի, 14 սեպտեմբերի, 2026 թ.
|
Ստեփանակերտում`   +21 °C

«Տպավորություն ունեմ, որ վարչապետին սխալ է զեկուցվում Ամուլսարի խնդրի մասին». նախկին մարզպետ

«Տպավորություն ունեմ, որ վարչապետին սխալ է զեկուցվում Ամուլսարի խնդրի մասին». նախկին մարզպետ
498
Չորեքշաբթի, 04 սեպտեմբերի, 2019 թ., 00:40

«Ինձ համար տարօրինակ է թվում Վայոց ձորի ներկայիս մարզպետի և Շրջակա միջավայրի նախարարության պասիվությունը Ամուլսարի հարցում»,- «Կենտրոն» հեռուստաընկերության եթերում իր մտահոգությունն է հայտնել Վայոց ձորի նախկին մարզպետ (2012-2014թթ.) Էդգար Ղազարյանը:

Նրա խոսքով՝ Ամուլսարի հանքի շահագործման հարցում չի կարելի արդարացնել ոչ միայն Շրջակա միջավայրի նախարարության վարքագիծը, այլև՝ «Լիդիան»-ի:

«Երբ ընկերությունն իրեն հռչակում է իբրև սոցիալական պատասպանատու ընկերություն, նա կարող է իր կողմից նախաձեռնել գործընթաց, որը թեկուզ օրենսդրությամբ չի պահանջվում, բայց իրենք նախաձեռնում են՝ հաշվի առնելով հանրության շահերը»,- ասում է նախկին մարզպետը:

Ղազարյանը նշում է, որ տպավորություն է, թե գործադիրի ղեկավարին սխալ է զեկուցվում տիրող իրավիճակը:

«Տպավորություն ունեմ, որ վարչապետին սխալ է զեկուցվում Ամուլսարի խնդրի էությունն իր ամբողջության մեջ: Այսինքն՝ ավելի շատ նրան ներկայացվում է, որ արդեն իսկ կատարվելու են ներդրումներ և ներդրողներից են մի շարք միջազգային կազմակերպություններ, որոնք մասնակից են այլ ներդրումային ծրագրերի: Հետևաբար՝ եթե այս ծրագիրը չիրականացվի, բացասաբար կանդրադառնա նրանց գործունեության հետագա որոշումների վրա և Հայաստանի ներդրումային միջավայրի վրա բացասական ազդեցություն կունենա և այլն»,- ասում է նա՝ հավելելով, որ այժմ էլ Հայաստանում շատ մեծ չափերի ներդրումներ չեն իրականացվում և այդ մասով մտահոգվելն իմաստ չունի:

Տեսանյութը`«Կենտրոն» հեռուստաընկերության