Հինգշաբթի, 19 սեպտեմբերի, 2019 թ.
|
Ստեփանակերտում`   +21 °C

«Հիմա ո՞ւմ է մեղադրելու իր անհաջողությունների համար». Ստեփան Դանիելյան

«Հիմա ո՞ւմ է մեղադրելու իր անհաջողությունների համար». Ստեփան Դանիելյան
65
Հինգշաբթի, 05 սեպտեմբերի, 2019 թ., 00:25

Քաղաքագետ Ստեփան Դանիելյանը ֆեյսբուքյան իր էջում գրել է. «Դե ինչ, կատարվեց այն, ինչը սպասվում էր․

Պուտինը կգա Երևան: Նիկոլը հանրությանը ցույց տվեց, որ ամեն ինչ արեց Քոչարյանին ազատազրկելու համար, բայց «վատ» դատարանն իր խափանման միջոցը փոխեց, այսինքն՝ իր դեմքը փրկեց մի շարք թատերական ներկայացումներով՝ ապահովելով իր ալիբին: Սակայն մի խնդիր ունի. հիմա ինչպե՞ս է օրակարգ ձևավորելու, ինչպե՞ս է հանրությանը հակամարտող հատվածների բաժանելու, ո՞ւմ է մեղադրելու իր անհաջողությունների համար. դեռ պարզ չի, իսկ դա իր միակ ռեսուրսն է։
Մնաց Ամուլսարի տակից էլ դուրս գա, ինչը շատ դժվար գործ է։

Անցումային արդարադատության, վեթինգի փուչիկները պայթելուց հետո հանրությանը սկսելու են զբաղեցնել ընտրական Օրենսգրքի, կուսակցությունների մասին օրենքի և սահմանադրության փոփոխություններով, որ լրահոսը լցնել «նորություններով» ու «գործ անելու» պատրանք ստեղծեն, բայց կարծես թե հանրությունն արդեն մի քիչ կենցաղային նորությունների է սպասում, օրենսդրական «փոփոխություններից» արդեն հոգնել է։

Հ․Գ․ Այդ օրենսդրական փոփոխությունները պետք են, բայց մի պայմանով, որ դա էլ չվարկաբեկեն, մեկ էլ միայն դրանով զբաղվել չեն կարող, մի քիչ էլ կոնկրետ գործ պետք է անեն, ինչի համար դեմագոգիան ու պոպուլիզմը քիչ է»:

՝