«Իսկ մինչ այդ չգիտեի՞ք այդ ամենի մասին». Արթուր Սաքունց

Իրավապաշտպան Արթուր Սաքունցը ֆեյսբուքյան իր էջում գրել է. «Հիշեցնեմ, որ չեմ ողջունել Վանեցյանի ԱԱԾ֊ի պետի նշանակումը՝ հարց բարձրացնելով, թե արդյոք նա մինչ հեղափոխությունը ներգրավված է եղել քաղաքական ընդդիմադիրների և քաղաքացիական ակտիվիստների դեմ գործողություններում։ Եվ այդպես էլ պատասխան չստացա: Ավելին՝ ուշադրություն էլ չարժանացավ ոգևորվածների կողմից, դե դա կարևոր չէր համարվում։

Բայց հիմա, երբ արդեն հեռացվել է պաշտոնից, նոր հրապարակել տեղեկություն, Վանեցյանի մոր որևէ բիզնեսում մասնաբաժին ունենալու մասին, կամ նման բնույթի այլ, այսպես կոչված, «դոսյեներ»֊ի հրապարակումը, որոնք չեն վերաբերվում Վանեցյանի որպես ԱԱԾ պետի գործունեությանը, հարց է առաջանում, իսկ մինչ այդ չգիտեի՞ք այդ ամենի մասին։

Կամ եթե գիտեիք, ինչո՞ւ պաշտոնում գտնվելու ժամանակ նման տեղեկությունները չէիք հրապարակում։

Պետք է հենց պաշտոնում գտնվելու ժամանակ թե՛ քննադատել, թե՛ հարցեր բարձրացնել, որն ավելի կարևոր է։

Հակառակ դեպքում, այլ տպավորություն է ստեղծվում, ոչ սկզբունքային մոտեցման տպավորություն»: