«ԱԳ նախարարի որոշ պատասխաններ ուղղակի զարմացնում են». Ռոբերտ Ղևոնդյան

Քաղաքագետ Ռոբերտ Ղևոնդյանը ֆեյսբուքյան իր էջում գրել է. «ԱԳ նախարարի հարցազրույցում որոշ պատասխաններ ուղղակի զարմացնում են: Նշում են «դրանք հայկական հողեր չեն»՝ պատասխանը անորոշ է, «մարդու իրավունքների խախտում եք արել»՝ պատասխանը անորոշ է...
Ինչո՞ւ է այդքան խուսափողական, ի՞նչ կա այդքան անհանգստանալու, դիվանագիտությունը միայն խուսափելը չի, երբեմն կոշտ պատասխաններ են պետք: Օրինակ՝ «Իսկ ո՞վ ասաց, թե դրանք հայկական հողեր չեն»: Կամ ամենալավը, գոնե հիշեր հրեաների օրինակը՝
«Մի՛ եկեք մեզ վրա պատերազմելու, հետո լացեք, թե ինչ-որ բան ենք վերցրել ձեզնից: Կգաք մեզ կոտորելու, կստանաք կրկնակին»: Այ սա կլիներ անկախ երկրի արտգործնախարարի պատասխանը:
Թե չէ մենք ասացինք խաղաղություն, իրենք չասացին, մենք ուզում ենք պաշտպանենք, սպասում ենք տեսնենք իրենք ինչ կասեն... անլուրջ է»: