«Այժմ «Հոկտեմբերի 27»-ի վերաբացումը քաղաքական ենթատեքստ կստանա, ինչին ես կատերգորիկ դեմ եմ». Արամ Սարգսյան

Սպարապետ Վազգեն Սարգսյանի եղբար, նախկին պատգամավոր Արամ Սարգսյանն այսօր՝ լրագրողների հետ զրույցում ասել է, որ ինքը շատ կցանկանար, Հոկտեմբերի 27-ի դեպքից հետո տեղի ունեցած դատավարության ժամանակ բացահայտվեր գործը, սակայն չի բացահատվել, քանի որ քաղաքական ենթատեքստ է ունեցել։

«Այն ժամանակ գործող իշխանությունն ասել էր՝ ուչաստկովիի գործ է և ամեն ինչ անում էր, որ դատարանում իր դատախազով խնդիրը տաներ էդ 5-ի վրա ու ասեր՝ էս 5-ն են ու վերջ: Հիմա այնպիսի քաղաքական իրավիճակ է, որ Հայաստանի դատական համակարգը լուրջ պրոբլեմների մեջ է, մենք պրոբլեմ ունենք նաև ՍԴ-ում»,- ասել է Սարգսյանը:

Նա նշել է, որ այս փուլում ինքը չէր ցանկանար, որ գործը վերաբացվի. «Իշխանություններն այդ առումով որևէ խնդրում որևէ կասկած չեն հարուցում, և միանշանակ է, որ շահագրգռված են գործի բացահայտմամբ: Կարծում եմ, որ «Հոկտեմբերի 27»-ի նման բարդ դատավարությունները պետք է տեղի ունենան այնպիսի ժամանակներում, երբ դատաիրավական համակարգն ամբողջությամբ ձևավորված կլինի, երբ կունենանք հանրային լուրջ վստահություն, երբ պետությունն, իսկապես, ուժեղացած կլինի: Մենք պետք է մտածենք մեր երկրի տնտեսության, բանակի ամրության մասին՝ ինչ-որ առումով դատավարությունների խնդիրը թողնելով դրանից հետո «Հոկտեմբերի 27»-ի վերաբացումը կարող է քաղաքական ենթատեքստ ստանալ, ինչին ես կատերգորիկ դեմ եմ»,- ասել է Արամ Սարգսյանը: