Երեքշաբթի, 12 նոյեմբերի, 2019 թ.
|
Ստեփանակերտում`   +13 °C

«Էրդողանն անուղղակի մեղադրանք է հնչեցրել նաև ՌԴ-ի հասցեին». Կ. Հովհաննիսյան

«Էրդողանն անուղղակի մեղադրանք է հնչեցրել նաև ՌԴ-ի հասցեին». Կ. Հովհաննիսյան
72
Հինգշաբթի, 31 հոկտեմբերի, 2019 թ., 13:30

Քրդագետ, թուրքագետ Կարեն Հովհաննիսյանը ֆեյսբուքյան իր էջում գրել է. «Թուրքիայի նախագահ Ռեջեփ Թայիփ Էրդողանը իշխող «Արդարություն և Զարգացում» կուսակցության խորհրդարանական խմբակցությանն ուղղված ուղերձում հայտնել է, որ Թուրքիան պատրաստ է Սիրիայի տարածքում 30կմ խորությամբ անվտանգության գոտին անհրաժեշտության դեպքում խորացնել: Նա նաև կոչ է արել ԱՄՆ-ին և ՌԴ-ին Թուրքիայի հետ առանձին-առանձին կնքած պայմանագրերով և համաձայնագրերով իրականացնել իրենց պարատականությունները՝ կապված անվտանգության գոտու հետ, այլապես նա (Թուրքիան) միայնակ կանի դա:
«Մենք այժմ իրականացնում ենք A պլան, սակայն մենք կարող ենք իրականացնել B պլան, նույնիսկ C պլան, եթե մեր սպասելիքները չարդարացնեն իրենց այստեղ (անվտանգության գոտի)»,- ասել է Էրդողանը:
Էրդողանն անուղղակի մեղադրանք է հնչեցրել նաև ՌԴ-ի հասցեին, մեղադրելով պաշտոնական Մոսկվային հոկտեմբերի 22-ին Սոչիում ձեռք բերված պայմանավորվածությունը չկատարելու համար: Նա ասել է, որ չնայած այն բանին, որ Մոսկվան հայտնում է, թե 34 000 քուրդ զինյալներ դուրս են բերվել անվտանգության գոտուց, սակայն իրենք ունեն հստակ և ճշգրիտ ինֆորմացիա, որ նման բան տեղի չի ունեցել, և զինված քրդերը դեռ շարունակում են մնալ այնտեղ»: