«Ադրբեջանին նույնպես անհանգստացնում է այն, որ Ռուսաստանը նորագույն զենք է վաճառում Հայաստանին». Կալաշնիկով

ՌԴ Պետդումայի ԱՊՀ հարցերով հանձնաժողովի նախագահ Լեոնիդ Կալաշնիկովը, Երևանում արձագանքելով լրագրողների դիտարկմանը, ըստ որի՝ Ռուսաստանը զենք է վաճառում Ադրբեջանին, պատասխանել է. «Ռուսաստանը զենք վաճառում է ո՛չ միայն Ադրբեջանին: Մոսկվան զենք է վաճառում նաև իր դաշնակիցներին, այդ թվում՝ Հայաստանին, ավելի շատ ու այնպիսի զինատեսակներ, որոնք որևէ այլ պետության չի վաճառում»:

Լրագրողների արձագանքին՝ ըստ որի՝ հայկական կողմին անհանգստացնում է զենքի վաճառքն Ադրբեջանին, ասել է. «Ադրբեջանին նույնպես անհանգստացնում է այն, որ Ռուսաստանը նորագույն զենք է վաճառում Հայաստանին»: