«Հայրենիքի պաշտպանությունը դարձել է միայն աղքատների խաչը». Սեֆիլյան
 180 Շաբաթ, 30 նոյեմբերի, 2019 թ., 17:30 «Սասնա ծռեր» համահայկական շարժման ղեկավար-անդամ Ժիրայր Սեֆիլյանը գրել է. «Փողով զինվորական ծառայությունից ազատվելու տարբերակների մասին մտածելու փոխարեն հարկավոր է առանց հապաղելու գործել ծառայությունն արդար և հնարավորինս անվտանգ դարձնելու մասին։ Առանց այդ էլ հարուստների տղաները այս կամ այն ձևով խուսափում են ծառայությունից։ Հայրենիքի պաշտպանությունը դարձել է միայն աղքատների խաչը։ Առաջին հերթին անհրաժեշտ է. 2) Արմատապես վերափոխել զինվորական ծառայության սոցիալական, կենցաղային և բարոյահոգեբանական բովանդակությունը՝ ներկայիս կայսերական-քրեականի փոխարեն հաստատելով ազգայինի վրա հիմնված արդարության և զինական եղբայրության մթնոլորտ, որպեսզի բացառվեն նվաստացումները, սպանություններն ու ինքնասպանությունները։ 3) Ժամկետային պարտադիր ծառայության ժամկետը կրճատել նախ մինչև 18 ամիս, ապա՝ հասցնել 12 ամսվա։ Պաշտպանության խնդիրը չի կարելի լուծել 18-20 տարեկաններին մատաղ անելու հաշվին։ Նրանք պետք է ընդամենը մեկ տարի ծառայեն և այդ ժամանակահատվածում միայն մարզվեն, վարժվեն և դառնան պատրաստի մարտիկ։ Ուրիշ ոչինչ։ Առանց նրանց կյանքն ու առողջությունը վտանգելու։ Ներկայիս պաշտպանության համակարգն ապազգային է և անբարոյական, ուստի պետք է արմատապես փոխվի։ Հայրերն ու ավագ եղբայրները չեն կարող և իրավունք չունեն մահվան վտանգի ենթարկել իրենց զավակներին ու կրտսեր եղբայրներին, թաքնվել նրանց թիկունքում և պասիվ դիտորդի նման հետևել, թե ինչպես են նրանք նվաստացվում, խեղվում և զոհվում»։ |
«1-ին աշխարհամարտի մեր հերոսների պատվին կանգնեցված որևէ հուշակոթող չունենք Երևանում». Ռուբեն Շուխյան
1201:05
Ինչու պետք է անջատել սմարթֆոնի տեղորոշման համակարգը․ պարզաբանում է մասնագետը
8000:30
Վիրավորվել երկնային մարմնից. տարեկան մոլորակի վրա է ընկնում 16 տոննա երկնաքար (տեսանյութ)
4700:05
60 տարի՝ քարանձավում. ամուսինները գտել են երջանկության գաղտնիքը (լուսանկար)
60Երեկ, 22:30