Սիրիայի բանակը երկու բնակավայր է ազատագրել

Սիրիայի կառավարական բանակն Իդլիբ նահանգի հարավում ձեռնարկած ռազմական գործողությունների արդյունքում գրոհայիններից ազատագրել է Ում-Ջալյալ և Ում-Թուվայն բնակավայրերը, գրում է РИА Новости գործակալությունը՝ հղում անելով Sham FM-ին: Ում-Ջալյալ և Ում-Թուվայն բնակավայրերի ազատագրման գործողություններն իրականացվել են դեկտեմբերի 20-ի լույս գիշերը՝ Ռուսաստանի հատուկ նշանակության ուժերի և այսպես կոչված «Վագրի ուժեր» էլիտար կազմավորման մասնակցությամբ:

Ավելի վաղ ռադիոկայանը հաղորդել էր, որ բանակը հինգշաբթի օրը նախաձեռնել է նոր ռազմական գործողություններ Իդլիբ նահանգի հարավ-արևելքում, որը հանդիսանում է ահաբեկչական խմբավորումների վերջին խոշոր հենակետը: