«Իրենց հիմնական նպատակը ժամանակ ձգձգելն է». Նորայր Նորիկյան

Փաստաբան Նորայր Նորիկյանն, անդրադառնալով Ռոբերտ Քոչարյանի դատական գործին, ասել է, որ Ֆորմալ առումով Քոչարյանի պաշտպանական թիմը կարող է ցանկացած նիստի ժամանակ ներկայացնել ինքնաբացարկի միջնորդություն այս կամ այն հիմքով, և խափանման միջոցի փոփոխության վերաբերյալ միջնորդություն. «Պաշտպանները կարող են ֆորմալ առումով տարբեր պատճառաբանություններ գտնել։ Առիթ ունեցել եմ արձանագրել, որ իրենց հիմնական նպատակը ժամանակ ձգձգելն է։ Սպասվում է Վենետիկի խորհրդատվական զեկույցը, ինչպես նաև Մարդու իրավունքների եվրոպական դատարանի խորհրդատվական կարծիքը ՍԴ-ի ներկայացրած դիմումի հիման վրա։ Իրենք սպասում են այդ կարծիքներին՝ ենթադրելով, որ դրանք բեկումնային փոփոխություն կբերեն գործին։ Կապրենք՝ կտեսնենք, բայց, բոլոր դեպքերում, ինչ-որ մի փուլից հետո այդ միջնորդություններն էլ են սպառվելու, և դատարանն անցնելու է դատաքննության և հրապարակվելու է մեղադրական եզրակացության եզրափակիչ մասը»,- ասել է փաստաբանը։

Մանրամասները՝ տեսանյութում: