Լևոն Քոչարյանն՝ իրենց ունեցվածքի և հոր կողմից Սիրուշոյին կղզի նվիրելու լուրերի մասին

168 TV-ի եթերում ՀՀ 2-րդ նախագահ Ռոբերտ Քոչարյանի որդին՝ Լևոն Քոչարյանն անդրադարձել է իրենց ունեցվածքի շուրջ հնչող մեկնաբանություններին. «Այդ առասպելական 4 միլիարդի բլեֆի սկիզբը լրատվականներից մեկում հրապարակված մի հոդված էր: Դրա վրա հղում անելով՝ մարդիկ հաստատում էին, որ դա էդպես ա: Այս իշխանափոխության լավ կողմը, միգուցե, այն էր, որ հենց իրենց ժամանակ փաստորեն ապացուցվեց, թե դա ինչպիսի սուտ էր: Լավագույն ապացույցը նրա, որ այդ ամեն ինչը իրականությանը չի համապատասխանում վերջին 1,5-2 տարին են»:

Անդրադառնալով լուրերին, թե Ռոբերտ Քոչարյանն իր հարսին՝ Սիրուշոյին կղզի է նվիրել, Քոչարյան կրտսերն ասել է. «Ես չգիտեմ՝ դա ինչպես բացատրեմ մի մարդու, ով նման ինֆորմացիայի հավատում է: Ո՞նց ա հնարավոր հավատալ այդ ամենին: Դա պարզապես հնարավոր չէ: Չէին ասում այն բաները, որն իրականում կա. օրինակ՝ «Տոյոտա Երևանում» 30 տոկոս մասնաբաժինը, ես «Նաիրի ինշուրանս»-ում եմ բաժնետեր: Էս ամեն ինչն արվել ա թափանցիկ»:

Հարցին, թե այն ամենը, ինչ իրենք իսկապես ունեն, հնարավո՞ր է, որ ունենային, եթե իր հայրը՝ Ռոբերտ Քոչարյանը, չլիներ երկրի նախագահ, Քոչարյան կրտսերը պատասխանել է. «Հորս պաշտոնը մեզ շատ սահամանափակել ա, թե ինչով զբաղվենք: Պետական համակարգ չէինք մտնի, դա ճիշտ չէր ընկալվի. մնում էր ինչ-որ բիզնես-գործունեություն ծավալելը: Հորս պաշտոնի հանգամանքից ելնելով՝ մենք ինչ-որ բաներից կամովին հրաժարվել ենք»:

Մանրամասները՝ տեսանյութում: