«Այստեղ ազգային անվտանգության վտանգներ չկայի՞ն». Կարեն Վրթանեսյան

137

Երեքշաբթի, 07 հունվարի, 2020 թ., 00:15

Ռազմական հարցերով փորձագետ Կարեն Վրթանեսյանը ֆեյսբուքյան իր էջում գրել է. «Եթե հայտարարում ես, որ խոսքի ազատությունը վտանգում է ազգային անվտանգությունը, ստացվում է, որ այսօր 1-2 ադրբեջանական ֆեյք կարող է, մի քանի գրառում անելով, Հայաստանը վերածել Ստալինի ժամանակվա ԽՍՀՄ-ի։

Բարդ բան չէ Բաքվից ֆեյքեր գրանցելը և դրանց հայկական մեդիադաշտում խաղացնելը։ Միշտ էլ արել են, այդ թվում և իբր նիկոլական ֆեյքեր են աշխատացրել մեր թշնամիները։

Մի հարց էլ. երբ Նիկոլը հայտարարում էր, թե Արցախում ինչ-որ դավադիր ուժեր կան և այդ հայտարարությունից օգտվում էր Ադրբեջանի պաշտպանության նախարարը, հնարավոր ցանկացած սադրանքը հայկական կողմի վրա բարդելու համար, այստեղ ազգային անվտանգության վտանգներ չկայի՞ն»: