Հինգշաբթի, 28 մարտի, 2024 թ.
|
Ստեփանակերտում`   +13 °C

Պակիստանն Արցախի հարցում կրկին իր աջակցությունն է հայտնել Ադրբեջանին

Պակիստանն Արցախի հարցում կրկին իր աջակցությունն է հայտնել Ադրբեջանին
373
Չորեքշաբթի, 22 հունվարի, 2020 թ., 19:35

Պակիստանի վարչապետ Իմրան Հանը Շվեյցարիայի Դավոս քաղաքում ընթացող Համաշխարհային տնտեսական 50-րդ համաժողովի (WEF) շրջանակներում հանդիպել է Ադրբեջանի նախագահ Իլհամ Ալիևի հետ:

Թուրքական աղբյուրի փոխանցմամբ՝ Պակիստանի վարչապետն Արցախի հարցում կրկին իր աջակցությունն է հայտնել Ալիևին:
Պակիստանի կառավարության տարածած հայտարարության մեջ նշվում է, որ Իմրան Հանը կատարած աշխատանքների համար շնորհակալություն է հայտնել Ադրբեջանում «Իսլամական համագործակցություն» կազմակերպության՝ Քաշմիրի հետ հարցերով զբավող խմբին:

Ադրբեջանի նախագահն էլ շնորհակալություն է հայտնել Պակիստանի վարչապետին Արցախի հարցում ցուցաբերած աջակցության համար և ընդգծել, որ համաձայնություն է ձեռք բերվել՝ զարգացնելու երկու երկրների միջև հարաբերությունները:

Նաև նշվում, որ Ալիևը Պակիստանի վարչապետին հրավիրել է Ադրբեջան: