«Եթե Հրայր Թովմասյանի հայեցողությամբ լիներ, նա վաղուց գնացած կլիներ». Մխիթար Հայրապետյան

«Նախկին իշխանության ընկալմամբ՝ ՍԴ-ն իրենց վերջին բաստիոնն է, որն ամեն գնով փորձում են պահել»,- «Առաջին լրատվականի» եթերում ասել է ԱԺ Գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահ Մխիթար Հայրապետյանը:

Նրա խոսքով՝ ոչ թե Հրայր Թովմասյանն է փորձում ամեն գնով պահել, թեև հաճախ ասում է՝ «կանգնած եմ խրամատում և պաշտպանում եմ», այլ՝ նաև այլ ուժեր:

«Ես հավատացած եմ, որ եթե իր հայեցողությամբ լիներ, նա վաղուց գնացած կլիներ: Բայց եթե խոսում ենք Սահմանադրական դատարանի այս թնջուկի և խնդրի հանգուցալուծման մասին, ապա ինչպես նախկինում եմ այս կարծիքը հայտնել, հիմա կրկնում եմ. այլընտրանք չկա, Հրայր Թովմասյանը պետք է գնա, և առաջիկայում, այնուամենայնիվ, խնդիրը կգտնի իր հանգուցալուծումը: ՍԴ-ի հարցը լուծվել է 2018թ. հեղափոխությամբ: Եթե դու որևէ համակարգի, որևէ անձի վերարտադրության ճարտարապետն ես, ապա ինքնին հեղափոխությամբ այդ հանակարգի մերժման հետ մերժվում ես նաև դու: Ես պնդում եմ՝ Հրայր Թովմասյանը հեղափոխությամբ մերժված համակարգի կարկառուն ներկայացուցիչն է»,-հայտարարել է Հայրապետյանը:

Մանրամասները՝ սկզբնաղբյուրում: