ՌԴ ՊՆ-ը ցուցադրել է նորացված «Գրադ»-ի փարձարկումները

1121

Երկուշաբթի, 17 փետրվարի, 2020 թ., 23:20

ՌԴ ՊՆ-ը հրապարակել է տեսանյութ, որտեղ պատկերված է «Գրադ» համազարկային կրակի ռեակտիվ համակարգի մոդեռնիզացված տարբերակը: Փորձարկումներն անց են կացվել Կեմերովոյում:

Նորացված մեքենաները մարտական հերթապահության են անցել ՌԴ զորքերում անցած ամիս:

Ըստ ՊՆ հաղորդագրության՝ նորացված տարբերակը հնարավորություն է տալիս տեխնիկայի մարտական հնարավորություններն ավելացնել մեկուկես անգամով:

Նշվում է, որ «Գրադ»-ը հագեցվել է մեկնարկի էլեկտրոնային համակարգով, իսկ կառավարման համակարգն ու օպերատորի համար նախատեսված հարմարությունները տեղափոխվել են խցիկ:

Դրանք նաև հագեցվել են առավել հզոր զինամթերքով, ինչը հնարավորություն է տվել կրկնակի մեծացնել կրակի հեռավորությունը, որը հիմա հասնում է 40 կմ-ի:

«Գրադ»-ի շասսին ևս փոփոխվել է՝ ստանալով նորացված դիզելային շարժիչ: