«Տեղեկություն կա, որ ծրարով փող են ստացել նախարարներ, ովքեր այսօր պատգամավոր են». Փաշինյանը՝ Մարուքյանին

«Դուք բազմիցս նշել եք, որ նախկին իշխանության, կառավարության ժամանակ ծրարներով աշխատավարձ են ստացել նախարարները: Տիկին Թանդիլյանի հարցը հետևյալն էր՝ Ձեր կաբինետում նախկին կառավարությունից մարդիկ կան, հարցրե՞լ եք՝ ծրարով փող ստացել են, թե՞ ոչ, եթե ոչ՝ կարո՞ղ է տեսել են, կամ ի՞նչ տեղեկություններ ունեն»,- ԱԺ-Կառավարություն հարցուպատասխանի ժամին դիմելով վարչապետ Նիկոլ Փաշինյանին՝ հարցրեց ԼՀԿ-ական պատգամավոր Էդմոն Մարուքյանը:

«Էդպիսի տեղեկություններ կան նաև նախկին նախարարների մասին, ովքեր հիմա ԱԺ պատգամավոր են ու նրանց չեմ կանչել, հարցրել՝ էս ճիշտ ա, թե՞ չէ: Կան մարմիններ, կզբաղվեն, հարցի պատասխանը կտան: Հիմա ես էս ամբիոնից ասե՞մ՝ էդ ինչ տեղեկություն ա, ո՞ւմ մասին... ինչքանո՞վ դա ճիշտ կլինի»,- արձագանքեց վարչապետը: Վերջինը հավելեց, որ կոռուպցիայի դեմ իր պայքարը 100 տոկոս է: