«Ասում են՝ այս կեղծիքն ակտիվորեն տարածում է Վիտալի Բալասանյանի թիմը». Տիգրան Գրիգորյան

Արցախի «Ազգային վերածնունդ» կուսակցության անդամ Տիգրան Գրիգորյանը ֆեյսբուքյան իր էջում գրել է. «Արցախի գյուղերով շրջելիս հասկանում ես, որ, այնուամենայնիվ, հայտնի ուժերի քարոզչությունը մարդկանց վրա որոշակի ազդեցություն ունենում է։ Օրինակ, շատ հաճախ լսում ենք հարցեր ինչ-որ տարածքում ադրբեջանցիների հետ համատեղ բնակեցման մասին։ Մարդիկ ասում են, որ այս կեղծիքն ակտիվորեն տարածում է Վիտալի Բալասանյանի թիմը։ Քաղաքական միավորներ շահելու համար ժողովրդի մեջ այսպիսի խուճապային տրամադրություններ տարածելը, ճիշտն ասած, չգիտեմ էլ ինչ կարելի է անվանել»: