Հինգշաբթի, 29 հոկտեմբերի, 2026 թ.
|
Ստեփանակերտում`   +10 °C

Որսագողերն սպանեցին աշխարհում վերջին սպիտակ էգ ընձուղտին ու նրա ձագին

Որսագողերն սպանեցին աշխարհում վերջին սպիտակ էգ ընձուղտին ու նրա ձագին
5360
Չորեքշաբթի, 11 մարտի, 2020 թ., 23:20

Քենիայի հյուսիս արևելքում որսագողերն սպանել են եզակի սպիտակ ընձուղտին ու նրա ձագին: Մայրն ու ձագը համարվում էին աշխարհում վերջին սպիտակ ընձուղտներից մեկը: Նրանց մարմինները հայտնաբերվել են գյուղի մոտակայքում: Այժմ աշխարհում մնացել է միայն մեկ սպիտակ ընձուղտ, այն արու է, նրան ժամանակին փրկել են սպանված մոր արգանդից: Գյուղի համայնքապետն ասել է, որ վերջին անգամ մորն ու ձագին տեսել են 3 ամիս առաջ: Կենդանիներն ապրելիս են եղել լայնարձակ արգելոցում:
«Սա շատ վշտալի օր է Քենիայի համար: Մենք աշխարհում միակն ենք, որ տեսնում ենք այս եզակի կենդանիներին: Նրանց սպանությունը ծանր հարված է բոլոր այն միջոցներին, որոնք մենք կիրառել ենք այս հազվադեպ տեսակը փրկելու համար»,- ասել է համայնքապետը:
Սպիտակ ընձուղտներն առաջին անգամ հայտնաբերվել են Քենիայում 2016 թվականին:
Որսագողերին այժմ որոնում են:

Որսագողերն սպանեցին աշխարհում վերջին սպիտակ էգ ընձուղտին ու նրա ձագին

Կարդացե՛ք նաև