Ուրբաթ, 11 հուլիսի, 2025 թ.
|
Ստեփանակերտում`   +26 °C

«Ստացվում է՝ մեծն «բարերարն» աշխատողներին չի վճարում ամսական 300 մլն դրամը». Տարոն Չախոյան

«Ստացվում է՝ մեծն «բարերարն» աշխատողներին չի վճարում ամսական 300 մլն դրամը». Տարոն Չախոյան
364
Երեքշաբթի, 24 մարտի, 2020 թ., 09:30

Բլոգեր Տարոն Չախոյանը ֆեյսբուքյան իր էջում գրել է. «Եթե մի «բարերար»-ի համար համեմատության էտալոն է մի մեծ կոլխոզի վերածված հետամնաց բռնատիրական Բելառուսն իր կոլխոզի նախագահով հանդերձ, ուրեմն էս մարդը շատ հեռու է երկրի զարգացման հեռանկարներից:

Մի մեծ կոլխոզի վերածված էդ երկրում արդեն 24 տարի շարունակ նախագահում է նույն կոլխոզի նախագահը և առանց որի իմացության երբեք չեն էլ կարող բարձրաձայնել կորոնավիրուսով վարակման հնարավոր դեպքերի մասին:

Եթե սա է «բարերար»-ի մթագնած երևակայությամբ նախագահի ու երկրի էտալոնը, ապա փառք տանք Աստծուն, որ կոլխոզի նախագահի բարերար ախպերը Հայաստանում երբեք չի եկել իշխանության:

Իսկ լրագրողների հետ հանդիպմանը մեծն «բարերար»-ը հայտարարում է. «Ես իմ աշխատողներին խի՞ պտի վճարեմ, պետությունը թող վճարի»:

Պարոն բարերա՞ր, էդ ո՞նց, ինչի մինչև հիմա պետությունն է կերե՞լ աշխատողներիդ աշխատանքից ստացած ողջ եկամուտը...

Թե՞ եկամուտը ուտելուց Ձեր աշխատողն է, բայց հենց ժամանակը գալիս է աշխատողին 1-2 ամիս օգնության ձեռք մեկնելու, արդեն ձերը չէ, պետությանն է...

Հա, քիչ առաջ էլ տեղեկություն տարածվեց, որ մեծն «բարերար» պատկանող Փարավոն ռեստորանի աշխատակիցներին ստիպում են «արձակուրդ գնալ», որ աշխատավարձը չվճարեն:

Ինչ վերաբերվում է բարերարությանը, ապա 45 մլն դրամ փոխանցել է կորոնավիրուսով հիվանդ մարդկանց բուժման համար, 15 մլն էլ՝ բուժաշխատողների համար:

Բայց նույն «բարերար»-ը չի վարձատրում իր աշխատողներին, որոնք մոտ 3000-ն են, և եթե նվազագույն միջին աշխաավարձով էլ հաշվենք, ապա ամսական կստացվի մոտ 3000*100.000=300 մլն դրամ:

Ստացվում է մեծն «բարերարը» աշխատողներին չի վճարում ամսական 300 մլն դրամը, փոխարենը ընդամենը 60 մլն դրամ է նվիրաբերում կորոնավիրուսի դեմ պայքարին և արդյունքում դառնում է «ԲԱՐԵՐԱՐ», բայց դա միայն իր և իր շրջապատի համար...

Մենք էլ հո լավ գիտենք, չէ՞...»: