Ուրբաթ, 29 մարտի, 2024 թ.
|
Ստեփանակերտում`   +16 °C

«Փոփոխությունները կոսմետիկ բնույթ են կրում. 2-րդ ընթերցմանը ևս դեմ ենք քվեարկելու». Արման Աբովյան

«Փոփոխությունները կոսմետիկ բնույթ են կրում. 2-րդ ընթերցմանը ևս դեմ ենք քվեարկելու». Արման Աբովյան
314
Երեքշաբթի, 31 մարտի, 2020 թ., 12:30

ԱԺ ճեպազրույցների ժամանակ «Բարգավաճ Հայաստան» խմբակցության քարտուղար Արման Աբովյանը նշեց, որ «Արտակարգ դրության իրավական ռեժիմի մասին» օրենքում լրացումներ կատարելու մասին» և «Էլեկտրոնային հաղորդակցության մասին» օրենքում լրացում կատարելու մասին» օրենքների նախագծում առաջինից երկրորդ ընթերցում կատարված փոփոխությունները կոսմետիկ բնույթ են կրում:

«Նախարարն ասաց, որ միջազգային պրակտիկայում սա վերջին քայլն է, երբ վիճակն այնքան է սրվում, որ պետք է որոշակի վճռական քայլեր կատարեն։ Եթե վիճակը սրվել է, խնդրում եմ, թող հայտարարեն՝ ինչումն է բանը, և ինչու են այս օրինագիծը փորձում ընդունել»,- ասաց Աբովյանը։

Նա հայտարարեց, որ ԲՀԿ տեսակետը չի փոխվել՝ երկրորդ ընթերցմանը ևս դեմ են քվեարկելու։