«Ես չեմ տեսնում, թե ե՞րբ, որքա՞ն, ի՞նչ միջոցներ են պետությանը վերադարձվելու այս օրենքով». Արման Բաբաջանյան

ԱԺ անկախ պատգամավոր Արման Բաբաջանյանը, անդրադառնալով «Ապօրինի ծագում ունեցող գույքի բռնագանձման մասին» օրինագծին հայտարարեց, որ այն ունի հիմնարար ու սկզբունքային նշանակություն: Միևնույն ժամանակ նա նկատեց, որ լավ օրենքը բավարար չէ գործընթացն արդյունավետ իրականացնելու համար:
«Կարևոր է ոչ միայն լավ շարադրված օրենքը, այլ դրա իրականացման իմպլեմենտացիայի (կիրարկման) երաշխիքները: Ահա այստեղ է, որ ես խնդիրներ եմ տեսնում: Չեմ տեսնում այս օրենքի կիրառման հստակ ճանապարհային քարտեզը կամ ռազմավարական պլանը, որը մեզ հնարավորություն կտար պատկերացում կազմել այն մասին, թե ե՞րբ, որքա՞ն, ի՞նչ միջոցներ են պետությանը վերադարձվելու այս օրենքով: Այս հարցում մենք բախվում ենք այն նույն կիսատ-պռատությանը, ինչ ունենք կոռուպցիայի դեմ պայքարի, անցումային արդարադատության, վեթինգի պարագայում»,- գնահատեց պատգամավորը: