«Ընտրախախտումները զրոյական ազդեցություն են ունեցել». Արայիկ Հարությունյան

Արցախի Հանրապետության նորընտիր նախագահ Արայիկ Հարությունյանը Հայաստանի Հանրային հեռուստաընկերության եթերում անդրադարձել է արձանագրված ընտրախախտումներին:

«Ընտրությունների երկրորդ փուլ ենք ունեցել: Առաջին փուլում շա՜տ մեծ քննադատություններ կային ընտրախախտումների վերաբերյալ: Իհարկե, կան ընտրախախտումներ և կլինեն ընտրախախտումներ: Ինչքանով են դրանք ազդեցություն թողել արդյունքների վրա, ես համոզված եմ՝ զրոյական»,- ասել է նա:

Նախագահը նշել է, որ պետական գործիչների մեծ ցանկ կա, որոնք կարող են ընգրկվել Կառավարության կազմում, բայց դա կլինի քաղաքական ուժերի հետ բանակցությունների ավարտից հետո. «Ոչ մեկի հետ որևէ հստակ պայմանավորվածություն չունենք: Մենք համագործակցելու ենք այդ քաղաքական ուժերի հետ, որոնք պատրաստ են Արցախի սոցիալ-տնտեսական ընդհանուր հայեցակարգի հետ բանակցել: Այս և այլ հարցերից հետո արդեն կսկսենք մտածել՝ կոալիցիո՞ն իշխանություն ենք ունենալու, թե՞՝ համագործակցության հուշագրերի կամ պայմանավորվածությունների տեսքով ենք աշխատելու»,- ասել է Հարությունյանը:

Մանրամասները՝ տեսանյութում: