Երկուշաբթի, 23 փետրվարի, 2026 թ.
|
Ստեփանակերտում`   +5 °C

«Մեր իշխանությունը Պուտինին չի բարկացնի». Սուրեն Սուրենյանց

«Մեր իշխանությունը Պուտինին չի բարկացնի». Սուրեն Սուրենյանց
339
Հինգշաբթի, 16 ապրիլի, 2020 թ., 09:20

Քաղաքագետ Սուրեն Սուրենյանցը ֆեյսբուքյան իր էջում գրել է. «Մեր իշխանությունը Պուտինին չի բարկացնի

Հայաստանի Հանրապետության ազգային անվտանգության ծառայությունը, հանցավոր ճանապարհով ստացված եկամուտների օրինականացման դեմ պայքարի ոլորտում օրենքով վերապահված լիազորությունների շրջանակներում, ՀՀ ԱԱԾ քննչական դեպարտամետում քննվող քրեական գործով ձեռնարկված քննչական և օպերատիվ֊հետախուզական միջոցառումների արդյունքում ձեռք բերված բավարար ապացույցների համակցությամբ 2020 թվականի ապրիլի 13-ին մեղադրանք է առաջադրել Հայ Առաքելական Եկեղեցու թեմերից մեկի առաջնորդական փոխանորդին: Խոսքը Հայ Առաքելական Եկեղեցու Արարատյան թեմի առաջնորդ Նավասսարդ Կճոյանի մասին է, ով տարիներ առաջ հայտնվել էր օֆշորային սկանդալի կենտրոնում։
Նավասարդ Կճոյանի «հերոսությունների» մասին վաղուց է հայտնի ու նույնիսկ բնական է, որ իրավապահ մարմինները զբաղվում են հոգևորականի տակ թաքնված այս տեսակի գործունեությամբ։
Այլ խնդիր է, որ իշխանությունները դարձյալ «փնթի» գործեցին․ օրինակ՝ ինչո՞ւ այս լուրը բարձրաձայնվեց միայն այն ժամանակ, երբ քաղաքական իշխանության ու եկեղեցու առճակատումը հասավ պիկին։
Մյուս կողմից՝ օֆշորային սկանդալի պատմությունը դարձյալ կիսատ է բացահայտվելու, որովհետև իշխանությունը չի հասնելու այս գործի մյուս ֆիգուրանտին՝ Պուտինին հերթական անգամ չբարկացնելու համար։
Ու դարձյալ ականատես ենք լինելու տեսարանի, որը ժողովրդին ընդամենը մի քանի օր կարող է զբաղեցնել»։